Kërcënim për ata që i sprovojnë besimtarët dhe tentojnë t’i largojnë nga feja e tyre

Është i sigurt se ata që i sprovuan besimtarët dhe besimtaret dhe nuk u penduan; ata kanë dënimin e Xhehennemit dhe dënimin e djegies.

Ata që besuan dhe bënë vepra të mira, ata kanë Xhennete nën të cilët burojnë lumenj. e ai është suksesi më i madh.

Është e vërtetë se goditja e Zotit tënd është e fortë.

Në të vërtetë, Ai është që e fillon (krijimin) dhe e rikthen.

Ai është që falë mëkatet, është i dashur.

Është i zoti i Arshit, të madhëruar!

E punon atë që dëshiron.

A të ka ardhur ty lajmi i ushtrive,

Të faraonit dhe të Thmeudit?

Por, këta që mohuan (idhujtarët), vazhdojnë me gënjeshtër.

Po All-llahu ata i ka rrethuar (nuk mund t’i shpëtojnë)!

Përkundrazi, (ata që gënjejnë), ai është Kur’an i famshëm.

Në një pllakë të ruajtur mirë (në Levhi Mahfudhë).